انا اكتر واحد مش فاهم - هدى نور

Admin عدد المساهمات : 2717 تاريخ التسجيل : 26/02/2009

انا اكتر واحد مش فاهم
إن كان الحب دا له معنى
ولا كلام كده بنقوله
وان كان الشعر دا له مغذى
ولا هلاوس خلتنا
نربط فعل بمفعوله
وان كان الأمس دا له ذكرى
بالليل الجامح بشجونه
وان كان العمر هيسمح له
بالفرح ف كفّ قسمهوله
انا اكتر واحد كان عارف
ان حياته وفلسفته
كان أمن جدار له لو يعند
وياه الناس ويردوله
همس الشارع والمشهد
بجدايل خوف تملا ظنونه
انا اكتر واحد كان عازف
في قصايد شوق
خلته ينسى
إن الروح لو يوم تعند
هيلاقي كتير من مجهوله
بيردّه قوام جوه المنفى
ويوقف علي بابه ذنوبه
انا اكتر واحد يسمحلي
اشوف الدنيا بتوقيتها
وان كانت حكمة دايرتها
بالمر صحيح به قصداني
ولا الظلم ف طبيعتها
انا كنت بعدّ ف احلامي
واخبي ورى بابي ف ايامي
واقول لو يوم بس اوصل
هاكتب اشعار من تاني
وهجمع حرفين كنت طاويهم
بين ضلعي ..من خوفي عليهم
لايكون محظور لي ابوح بيهم
عن ارض بتوسع اوهامها
في متاهة خوف دق سؤالها
صحيح هتنفس من تاني
ولا خلاص انا مكتوبلي
من فعل ايديكم ان اتوجع
هدى نور

» واقع واحد ووجهان - فاطمة فداوي
» عالم واحد - بقلم الكاتبة اليمنية أ/ أحلام الدميني