خطَّار القلب - الشاعرة نهلة عنان بدور

Admin عدد المساهمات : 2717 تاريخ التسجيل : 26/02/2009

خطَّار القلب
.................:.:
ناداني الحب ..
جيت و لَبِّيتْ
وقفت لُه عَ الدَّرب
وبضلوعي خَبِّيت
فرحة جوَّاتْ القلب
والحزن من قلبي
رَمِيتْ ..

شَعشَعِتْ الأنوار
وفرِحْ باب الدَّار
وسَرحِتْ الأشعار
تهَلِّل بالزوَّار ..
و نزلِتْ الأقمار
و نجمات الليل
يسهَروا مَعْنَا على
سَطح البيت ..

يا خطَّار القلب
أهلا بمَلقاكم
زَهَّر فينا الحُبّ
وفَتَّح القلب ..
وانتَعَش بِهَواكُم
يا هدية من الرب
والروح تهواكُم
يا بلسم الجِراحْ
السَّعْد بِرِضاكُم
نسيتنا الأتراح
وسافَرنا بدنياكُم
والقلب شو مرتاح
ومتهَتَّى برُباكُم ..

أنتم أَحْبَابْ الرُّوحْ
وغيركُم ما حَبِّيتْ
يا زوَّار القلب ..
لِم ناداني الحُبّ
جيت و لَبِّيتْ ..
-------
الشاعرة نهلة عنان بدور

» يوم بدر - الشاعرة عفاف غنيم
» ويح قلبي - الشاعرة عفاف غنيم
» مناجاة - الشاعرة عفاف غنيم