طالع ضهرو منحني - مها ريا

Admin عدد المساهمات : 2717 تاريخ التسجيل : 26/02/2009

طالع...
ضهرو منحني،
غرقان بٍ همّو
من بعيد لوّحلو ورد
دبلان عَ امّو .
من سنين صرلو ما حْكي
ولا بيّنت سنّو .
كيف اندلق حبر الحكي ....
وما عْرف كيف لمّو.
حاجي بْدمعك تعجني كحل الغوى..
كبّر الوشم عالخد ،
خلّي الدمع عَ مخدّتك
يسقي زرار الورد .
نحنا الْ زرعنا الورد
ليفوح عطر الورد ،
ولو حوّطوه بسدّ.
يا ملفلفة بْتوب الحزن
جاي الفرح خيّال
قومي افرديلو القد .
في امل.....؟
ولْك ايييييه
يمكن في امل عن جد .
لولا سواد الغيم
مااخّضر سطح الارض .

» من وين طالع عالدني - مها ريا