عندي كاس كنت نحبو برشا - هاجر وشتاتي

Admin عدد المساهمات : 2717 تاريخ التسجيل : 26/02/2009

عندي كاس كنت نحبو برشا .. نحبو و ما نحب نشرب إلا فيه... مرة طيحتو ياخي شقق شوية و على خاطرو قوي شوية وقزازو باهي و معدنو باهي قعدت نستعمل فيه وفي كل مرة وين نحط فيه حاجة سخونة نقول توا بش يطرشق .. و باقي لباس عليه. بالوقت مشى فيبالي الكاس قوي و مش باش يجرالو شي . وعطيتو الامان وليت عادي نشرب ونسيت التشقيقة الي فيه و ما فهمتش روحي اني لازمني نسايس عليه و نستحفظ عليه كان بلحق يعز عليا ..حتاش فجأة و أنا نصب في قهوة سخونة سمعت صوت التشقيقة يزيد ....قلت نزرب نحطها في حاجة قبل مايتكب إلي فيها وتهلك الدنيا.. المهم نتصرف ونعمل حاجة اما للاسف ملحقتش نعمل شي وننقذ الموقف و الكاس تكسر... تفتفت.. ما قعد فيه شي لا يشرب ولا حتى يقعد يعز.. تكسر و مشى...
تعرفو شنوة حكاية الكاس ؟
الكاس هذا بالضبط..بالضبط يشبهلنا ويشبه علاقتنا ببعضنا ويشبه حياتنا ....
فكرة انك تجرح أي شخص وتهينو مرة و ثنين و ثلاثة و ما تقدروش رغم هو مقدرك و تلقاه مستحمل ويعديلك ويسامحك ويتعايش معاك رغم كل هذااااا و انت لتوا ما فقت على روحك ولا مرة راجعت روحك و صحيت ضميرك.. مش معناه انو جرحو برا وتنحى بالعكس الجرح من داخل يقعد يكبر وانت مافيبلكش ومع الوقت وتحاملك عليه ممكن ينفجر ...

هاجر وشتاتي

» فما ناس تجي في حياتك بكري برشا - هاجر وشتاتي
» بعض البشر - هاجر وشتاتي
» وقت العاصفة - هاجر وشتاتي