Hi؟
هاي دا معنى.. طيب وعرفنا
وعليكوا رحمه م المولي
وكمان سلامه وبركاته
Sore
ياسيدي روح الله يسهل
ممكن بس نتعرف؟
ومالوا ياخويا نتعرف
وزيد فوقيها بنتشرف
ما اصلي انا فاضيه وراح اقرد
مع اللي فاضي ومتنمرد
What
وطـّي انت ودّنك وانا واقولك
كلمني عربي .. احسنلك
بدل مانط في (..)
بلاش بكام كلمه حافظها
تعملي فيها انك خريج
باين عليك بتفك الخط
ياعم روح ع مدرستك
وحل واجب كراستك
دا انت يادوب ماسك نفسك
اتعلم ازاي.... تكتب إسمك
Sore
قصدي انا اسف!
ومالو يا بني اتأسفنا
وبجهلك احنا اتعرفنا
مش فاهمه آخر الناس ديا
عاملين لي فيه ان ولاد ناس
وهم مقلب حراميه
عندك كام سنه؟
بستغفرك منه ياربي
سؤال عادي يعني؟
يعني انت لو تخلص روحك
نرتاح من الاسئله ديا
انا جده يابني
ومش بالايد
اني اتخلقت بعصبيه
كلامك ليا يكون بحدود
يا إما حظر علي ايديا
Ok
Ok
By
عاملي فيه الواد حبيب
داخل يصيّد في العناقيد
حظ أمه الاغبر جبهولي
خلاص ها اقطع في هدومي
م الفيس وكل اللي جايبوولي
انا نفسي بس يحسوا الناس
وكفايه شغل الملاغيه
فاهمين خلاص احنا الاعيب
وسك بابك ياعنيا
هدى نور