سألونى عن اوصاف أمى
قلت الجنه دى حضنها
وقالولى ايه هى السعادة
قلت السعادة في قربها
قالولى ايه معنى الحياة
قلت الحياة يبقى قلبها
سألونى طب ازى الحال
حالى عدم من بعدها
شافوا دموعى قالولى مالك
قلت اصل امى مافيش زيها
الدنيا بقت قاسية من غيرك
والكل مالوش لازمه من بعدك
ماعدش بقلبى غير سيرتك
سيرتك دى دايما ويايا
وبنام وتجينى فى احلامى
ماليا عليا دنيايا
ولايوم من ايامى معاكى
قلبى من بعدك بقى باكى
شايفه النجوم من شباكى
تواسينى كمان على بعدك
يااللى ماليش فيالكون بعدك
والله وحشتينى ياأمى
~~~~~~~~~~~~~~~~
راوية حسن