ليه بتسأل عن اللى فات
من عمرنا والذكريات
انا لسه فى قلبى شيلاهولك
ولاعمره عده ولاعمره مات
فاكر ليالينا زمان
انا وانت والاهل والخلان
كانت كل ليالينا جميله
ولا الف ليلة وليلة كمان
كنا نسهر ويا النجوم
كنا ننسى ساعتها الهموم
ومهما كان يعدى يوم
ولاحتى سنه تدوم
افراحنا كانت كل يوم
وقلوبنا كانت زي الزهور
متلونه بالوان جميله
كان نفسى دى الايام تدوم
دوام الحال كان م المحال
ودايما بتتغير الاحوال
ولا كان فى يوم يخطر ع البال
ان انت تغيب عن عينى يوم
غبت عنى وغابت الحياه
لانك انت كنت الحياه
وكنت لى طوق النجاه
ياخساره راح كل ده فى يوم
ارجع واقول وعلى العموم
من يومها قلبى بات مهموم
وباتت فيه كل الهموم
نفسى يجينى الفرح يوم
اسيب الحزن وعشانه حقوم
افرح واعيش من نفسى يوم
~~~~~~~~~~~~~~
راوية حسن
أمس في 5:53 pm من طرف bedoorsayed
Ahlamontada 
موضوع: ليه بتسأل عن اللى فات ~ راوية حسن