الدنيا كده طول عمرها
مبنيه ع الظالم والمظلوم
واللى شبع واللى محروم
واللى اخد منها كل شئ
واللى ماحيلته غير هدوم
فيها الغنى فيها الفقير
فيها الصغير وفيها الكبير
فيها اللى آسر والاسير
فيها اللى مالوش خط سير
فيها الغفير فيها الامير
الناس فى الدنيا على كل لون
اللى قلبه ابيض بلون الصبح
واللى قلبه كان بلون الليل
فيها السخى وفيها البخيل
والمر فيها اصبح تقيل
فيها اللى حظه متشال فتيل
واللى كمان بخته عامل تقيل
فيها اللى عامل ابن ناس
فيها الغلبان اللى منداس
الدنيا دى على كل لون
فيها اللى لونه اسود غطيس
فيها ياعينى اللى مات فطيس
فيها الاصيل فيها الخسيس
صبح على الدنيا الفقيرة
واللى خلقها هو الغنى
والغنى مش حبة فلوس
الغنى هو غنى النفوس
ياما غنى واصله جعان
مهما اغتنى برضه تعيس
فيها فقير لكن طمعان
فى رضى ربه الغالى رخيص
~~~~~~~~~~~~~~~
راوية حسن
أمس في 5:50 pm من طرف eman ayman
Ahlamontada 
موضوع: الدنيا كده طول عمرها - ~ راوية حسن