ناجيت الليل وقمر الليل
ونجومه كانت ويايا
انا عايزه دليل على حب ويل
انا عشته معاك يامنايا
نفسى افرح بيك دايما والاقيك
بتكمل شئ جوايا
وابعت مراسيل بنهارى وليل
توصفلك حالي ياهنايا
وقولت كلام قليل وكتير
ولا كنت تسمع لغايا
وناديت عليك كتير وقليل
ولا كنت تسمع ندايا
وقمرك غاب بين السحاب
كان نفسي ينور دنيايا
وشغلت نجوم بغنى وموال
كان نفسى تسمع لغنايا
القسوه دى ليه ولا عشان ايه
هو انت ليه كده معايا
مليت وتعبت من كتر سكاتك
كان نفسى تتكلم معايا
وتقولى كلام ولاعمره اتقال
ولاحد يسمعه كده معايا
*********************
راوية حسن