صورتي وانا بكامل استعدادى و صورتي و انا صاحية من النوم - داليا زردق
كاتب الموضوع
رسالة
نبيل القدس Admin
عدد المساهمات : 2717 تاريخ التسجيل : 26/02/2009
موضوع: صورتي وانا بكامل استعدادى و صورتي و انا صاحية من النوم - داليا زردق الثلاثاء يناير 28, 2020 9:33 pm
لكل بنت بتشوف صور بنات و إعلانات لفنانات و غيره حلوين و يتقال عليهم قمررر و ايه الجمال و ايه و ايه و ايه
انا واحده من الي بيستخدموا الفلتر في صورهم و دايما بظهر في احسن شكل عالكاميرا و انا بتصور
بس النهاردة حبيت ااقولكم ان ده شكلي في صورة بكامل استعدادى و بفلتر و فلاش و دى صورتي و انا صاحية من النوم !!
و دى هدية مني لكل بنت عشان بس ااقولك ان اي واحده مهما ظهرت حلوة علي اي شاشة هي لها في البيت شكل سري محدش بيشوفه
و انتي بلاش تضيعي فلوسك و وقتك و كل تركيزك انك تكوني احلي واحده عشان تعجبي العالم كله ..
لأننا يوم ما نكبر و نعجز حيبقي مفيش حل ساعتها غير روحنا الي الناس بتحبها
و لو مش بذلتوا مجهود ان روحكم و شخصيتكم يكونوا اهم شيء في تعاملاتكم و اعتمدتوا بس انكم تكونوا في صورة انثي ملفته عشان اي رجل و اي حد ينبهر بها يبقي للاسف حتضيعوا حقيقة الحياة كلها منكم ..
اوبرا وينفري أشهر ست في العالم و اغني ست اكيد عارفين كلكم شكلها
لو كانت اعتمدت علي شكلها و اكتئبت و حزنت كان زمانها لا شيء
لكن اوبرا وينفري بتثبت ان الست مش شكل تماما و ان الشخصيه هي كل شيء
و غيرها كتير جدا من سيدات أشهر نساء و كلهم يفتقروا الشكل الحلو بنسبة ٩٠% بمقاييس البشر
لكن هم لهم مقاييس أخرى تماما للجمال و هي روحهم و قوتهم وإرادتهم.
اتشجعوا و اظهروا بشكلكم العادى الي ربنا خلقنا به بدون احراج !!
لأن هي دى حقيقتنا و الناس لازم تتقبل شكلنا بدون رتوش و تزييف مش بس شكلنا و إحنا في ابهي صورنا
بدعوا كل ست في الكون وااقولها
شيلي الماسك
و كوني انتي بكل عيوب جسمك او بشرتك
و شوفي حتشفي ازاى من شعورك بقلة ثقتك بنفسك
و حتواجهي العالم كله سعيدة بكل ما فيكي بدون تفكير ٢٤ ساعة في برامج و عيادات و دكاترة و اخصائيين التجميل الي بيتضيعي نص عمرك عشان ترضي المجتمع و تظهرى حلوة من بره و بس ...
اهتمي تكوني حلوة بصفاتك و مساندتك للناس و حبك للاخرين و ثقافتك و حضورك و قوتك و تحديكي لكل مشاكلك...
إبدأي صفحة جديدة
و ارضي بوشك الي في هالات سودا
او حبوب او تجاعيد
او شعر مش ناعم مجعد مجهد
او وزن زايد و كرش و دهون
و يوم ما تحبي تعدلي من عيوب وجهك او جسمك اعملي ده عشان الدهون حتضر قلبك أو اجهزتك لكن مش عشان حلم الرشاقة الي عايشه تحلمي به كل يوم
نزلي وزنك عشان انتي تعبانة جسديا منه و بس
و شوفي كم من مشهورة رشيقه و جميلة و غنيه و فيها كل حاجه بتحلمي بها و بتحلم بها كل انثي عالارض لكنها اتخانت او انتحرت اواتطلقت او مش محبوبة!!
ده دليل ان كل ده مكنش شرط لنجاحها في حياتها الشخصيه
و كم واحده مش حلوة و لا رشيقه و لا مشهورة و لكن لها منزلة و حب من الناس و رضا
و عايشه اسعد احوالها بدون ساعات و ايام و سنوات من عمرها بتقضيها في بس ازاى تكون مزة و ملفته و مبهرة و الهبل ده !!
يالا فوقوا و اظهروا بطييعتكم للحياة
صورتي وانا بكامل استعدادى و صورتي و انا صاحية من النوم - داليا زردق