اجمل حب واحنا صغار = راوية حسن

Admin عدد المساهمات : 2717 تاريخ التسجيل : 26/02/2009

اجمل حب واحنا صغار
،،،،،،،،،،،،،،،،،،،،،،،،،،،،،،،،،،،
~~~~~~~~~~~~~
حبنا ده واحنا صغار
قلب صغير لكن جبار
حب جارف زى الاعصار
بيقى القلب مشغول على طول
وباعد عن كل الافكار
لشايل يوم للدنيا هموم
ولا بيفكر ليل ونهار
ولاشبكه وشقه وتقاليع
كل اللى شاغله حبيب محتار
ازاى يبعت لحبيب جواب
يكتب فيه ان له اختار
نفسه يسلم حتى عليه
ماهو جنبه اصله ده الجار
يسمع صوته يشوفه بعنيه
ولايكونش عليه ده حصار
أصل الحب بقلب صغير
لما بنكبر خلاص بينهار
يااما بنبعد او نتغير
ومافيش حد يقدر يختار
تبقى قلوبنا لسه ماكبرت
لسه صغيره لسه خضار
ولما بنكبر وبنتذكر
ماضى جميل عشناه بهزار
نضحك عليه وكانه امبارح
وكانه عدى يادوب بنهار
ذكرى بتسعد بيها قلوبنا
كل شويه نفوت ع الدار
اللى ساكن فيه احبابنا
ونقول والله زمان يادار
كنا نشوفهم ونكلمهم
صبحم ماضى وادى احنا كبار
اجمل حب واحنا صغار
كان وقتها فاكرين انه هزار
لما اشوفك يفرح قلبى
واسمع اغنية جبار
اجمل ضحكه كانت م القلب
وكل كلامنا ده كان ازهار
كنت اما اصحى افتح شباكى
الاقيك واقف كده زنهار
كانك كنت مستنينى اصحى
عشان تشوفنى ويبقى نهار
ولما امى تنادى عليا
اقفل تانى واجرى فرار
ولما تفوت من قدام بيتنا
احس اليوم كله ده بقى نهار
واما الليل علينا يليل
وضى نوركم لسه مطول
افضل صاحيه باستمرار
كانك صاحى وحتكلمنى
وحتبعت من عندك ازهار
وان شوفتنى غيرك كلمنى
تبقى بتاكل فيك النار
تيجى بعدها حتى تلومنى
وتقول اوعى تكلمى غيرى
احسن انا اعصابى تنهار
=============
،،،،،،،،،،،،،،،،،،،،،،،،،،،،،،،،،،،
كل اللى انت بتحكي عليه
واحنا صغار لجأنا اليه
كنت اتجج بالاوراق
وانا قلمى دورت عليه
عايزه اجيب اى كتاب
عم محمد جنب الباب
كنت استنى لاخر وقت
لجل تشوفنى تيجى دالوقت
كانت حججنا كتير وعبيطه
كنا فاكرينه هيصه وزيطه
كانت احلا ايام بكتاب
اخدته منك وكان فيه جواب
لما قريته قلبى طار
انا خبيته جوه كتابى
خوفت اخويا يشوفه
يقول لابويا ويبقى نهار
كل دى كانت ايام
لسه فى منها اثار احلام
جوه قلوبنا ونقول ياسلام
ونقول ياريتها تعود ايام
ولا العيد ولا رمضان
صوت المدفع ويا ادان
وانا بستناك وانت هناك
وافضل واقفه فى الشباك
وامى تنادى اقولى حاضر
انا بستنى اسمع الادان
==============
أجمل حب واحنا صغار
دايما قلبى يجرى وراك
وكمان بعنيه مراقباك
ومن بعيد عينى لمحاك
ان روحت هنا ولا هناك
فاكر اول يوم مدرستى
لما ضاعت منى كراستى
جيت وجايبلى كراسه غيرها
وقلم احمر ووده كان لونها
وكتبتلى ساعتها الواجب
وقولت لى اكتبى اولها
اسمى واسمك كانوا حروفها
مكتوبين اول صفحتها
وعصفورين فاردين جناحين
ويا ورده انت اللى قاطفها
كانت حمرا وبلون الخد
وكسوفى اللى ماكان على حد
وانت عارف انى بحب الورد
كنت تزرعه على باب بيتكم
لجل ماتهدينى منه مش لحد
كانت ايام حلوه بريئه
عدت منا وفاتت فى دقيقه
وانا وقتها كنت عامله بريئه
واعند معاك وقول مش فاهمه
تشرح تانى واقول مش فاهمه
عشان اتحجج وتقول كزا مره
وامى تقولك عنها مافهمت
سيبها تقول وحدها دى المرة
اصل ساعتها كنا صغار
====================
راوية حسن

» صورتك اجمل صور ف قلبى - ~ راوية حسن
» يوم ميلادى كل عام - ~ راوية حسن
» ليه بتسأل عن اللى فات ~ راوية حسن