إبك يـا ڨلبـــي ** لمياء بن قبلي

Admin عدد المساهمات : 2717 تاريخ التسجيل : 26/02/2009

**إبك يـا ڨلبـــي **

إبك يا ڨلبي
وإمسح من عيني الدّمعَـه
خليني في عْيونهم فرحانـه
خليلي وجهي كالڨمـره
كيف تبدى ڨلوبهم مِطمانه
مايهمش ڨلبي...
مايهمش عْروڨي العُطشانـه
مايهمش عڨلي...
مايهمش جفوني السهرانـه
انحب نضحك ونغنّي
ما نحبش حد يفهمني
ولا يعرف ڨلبي وأحواله
خليني وحدي في سكاتي
ڨدامهم عايشة في جنّه
وحروفي تعرف ليعاتي
إفهم يا ڨلبي وأحضني
وخبي في نبضك دمعاتي
خلي الحزن لينا
وخليهم يشوفوا ضحكاتي
وكان نهار شكوا فينا
و خانتني الدمعه
وشافوا جراح على خدودي
وحسّوا رعْشة يديّا
أهرب يا ڨلبي بيّا
وأسكت...
أسكت وخلي في عڨولهم تصويره
تصويرتي إلى ياما خبيناها
الدمعة في ڨلبي
والضحكة ماتفارڨ عينيّا...

#لمياء بن قبلي

» نظرة - لمياء بن قبلي
» تكلّم وكفكف بمنديل صبرِِ # لمياء بن قبلي
» دوامة - لمياء فلاحة