خمسين سنه
--
خمسين سنه
مانتفض لعمري طريق
بداري الحزن ف الننّي
وبين ضلعي بحر غريق
كتير الحبر يكتبني كما صدفه
بصورة جرح مستسلم
ببيع أحلام ماهيش ليا
وافاوض نفسي تعرفني
بناي مسموع
أنا يمكن صحيح جايز
مابعرفنيش من الزحمه
ولاقي كتيرمن الحواديت
قصاد عيني لكن صحرا
عجوزه يمكن
فنضارتي مابتفرقش
مابين الضي والعتمه
باعترف ان انا ظالمه
بسيب نفسي تصدقني
تبقى الصرخه جوايا
اقول لا ماتلزمشي
واخاف مره احتاجها
تكدبني متطلعش
كتير بحتاج للحظة ثبات
فاحس بدقة الساعه
بتتبعني بجلد الذات
وانا بالذات
ماينفعشي
أكون معكوسه في مرايتي
ولاصورتي مره تكون
ماهيش واضحه
خمسين سنه
بصحّي اللفظ في المعنى
واشوف لعنه ف وش الناس
بيحتلوا مكان ع السطر مستعجل
وقبل حروفي ماتتهجى في احوالهم
يجف الحبر من قلمي
واكون صادقه
ف حين مابقول
لسه الباقي من عمري
ينور لي طريق بنا كان عتمه
خمسين سنه
في وسط اصحاب بيفترقوا
بدون اسباب
فبكتبهم لحين لحظه ..يفتكروا
تفاصيل كتير كانت بينا
ودلوقتي ساكنها عتاب
هدى نورخمسين سنه
--
خمسين سنه
مانتفض لعمري طريق
بداري الحزن ف الننّي
وبين ضلعي بحر غريق
كتير الحبر يكتبني كما صدفه
بصورة جرح مستسلم
ببيع أحلام ماهيش ليا
وافاوض نفسي تعرفني
بناي مسموع
أنا يمكن صحيح جايز
مابعرفنيش من الزحمه
ولاقي كتيرمن الحواديت
قصاد عيني لكن صحرا
عجوزه يمكن
فنضارتي مابتفرقش
مابين الضي والعتمه
باعترف ان انا ظالمه
بسيب نفسي تصدقني
تبقى الصرخه جوايا
اقول لا ماتلزمشي
واخاف مره احتاجها
تكدبني متطلعش
كتير بحتاج للحظة ثبات
فاحس بدقة الساعه
بتتبعني بجلد الذات
وانا بالذات
ماينفعشي
أكون معكوسه في مرايتي
ولاصورتي مره تكون
ماهيش واضحه
خمسين سنه
بصحّي اللفظ في المعنى
واشوف لعنه ف وش الناس
بيحتلوا مكان ع السطر مستعجل
وقبل حروفي ماتتهجى في احوالهم
يجف الحبر من قلمي
واكون صادقه
ف حين مابقول
لسه الباقي من عمري
ينور لي طريق بنا كان عتمه
خمسين سنه
في وسط اصحاب بيفترقوا
بدون اسباب
فبكتبهم لحين لحظه ..يفتكروا
تفاصيل كتير كانت بينا
ودلوقتي ساكنها عتاب
هدى نور