انا مين
من كل قلوب الخلق العطشانه
لحنان وحنين
انا فين
وانا بايعه الدنيا بتفاصيلها
سنين وسنين
بتزاحموا في مين
وانا راس مالي
في الدنيا سلام
مع حبة عطف بودّ شايلهم
في ضلوع بتئن ف دايرة بني آدمين
انا أجمل حاجه بتحصلّي
إنّي بقلبي تملّي
فيه نبض بيرفض دايرتكم
ويشد في أزري ويحضني
لما يحس بإني
عايش وسط حجاره من التماثيل
ليها وش صحيح
بس بوهم أختصروا الدنيا في حبة
تناتيش
والانا جواهم كات زايده
بيصروا بإن تكون عايده
علينا بشر ماهوش بالخير
وإن قولنا كلامكم جرحنا
نلقاهم زادوا في تجرحنا
فنسد الباب عنهم طوعا
عشان بالكدب
عايشين صادقين
هدى نور