لسه البنت جوايا
مش عايزه تكبر
مش عايزه مره تحس
ان العمر عدى
والشعر شاب
رافضه الجواب
عن كل حاجه يوم عاشتها
خارج اطار البراءه
لما تتشاقا بشخبظة الحيطان
ترسم حصان فارس مجاش
ونخل طارح بالرطب
وتزود الالوان
لسه ف خيالها
لفة جدايل شعرها
وخوفها يتعقد
البنت جوايا
لساها كاتمه ف وجعها
مشتاقه مره لهروب
سؤالها دايما مين أنا
وامتى هيهيلوا التراب
مين هيبكي الذكريات
أومره بس يفتكر
كلمه كانت طيبه
قالتها ليه
ياضحكة صِباها المستحيل ليها الرجوع
اديها فرصه تلمسك
تتنفس معاك بس ابتسامه
تكفيها تنطق شهادة
لحظة تموت
هدي نور