غْمضتْ عيوني عالدَمع - مها ريا

Admin عدد المساهمات : 2717 تاريخ التسجيل : 26/02/2009

غْمضتْ عيوني عالدَمع،
ولسه الفجر مابانْ
وسْمعتْ حكي بوشوشة
ونقرة خفيفة بترتجف
متل ال كأنا عاوتر بيبوح بالاحزان.
فزّيت متل الخايفة
وبالكاد صوتي قال:
مين الْ وقف عابابنا...
ومنين يا خيّال ؟؟
بصوتو الحنون يردّ :
يمكن أنا غلطان
داير ورا هالعيد ...
ما مر من صوبك ؟
وما شم ريحة كعك
متعلّقة بتوبك ؟!
تْمنيت اقدر عالحكي
وبالشرح لَ فْيض...
ببلادنا صرلو زمن ما مر فيها عيد .
بس سْكتت وهوّي فْهم
من نظرتي ...
الله معك يا خيي .
أصدقائي....
كل عام ونحن أصدقاء
كل عام وأنتم واحبابكم بألف خير.

» عيوني تراقب - منار مرجي