نلضم إبره .. ف ضى فلاش
لما ولما ..تغيب اللمه
حصنك يامه ..ما يعرفناش
ضاق بالهدمه ..وضاق بالممه
مين نتسمى ؟ صوتنا مجاش
كنا ياما ..وياما ..كنا ..
جفن وطننا ..ولا نمناش
بهجة حنه ..ونور الجنه ..
كف البنا ..اللى موطاش
نمسح دمع السما ..والنجمه
نلضم إبره ..ف ضى فلاش
كنا ندادى القسمه ..بإيدنا
نرسم عيدنا ..ف كل نقاش
تصحا الشمس ..على موعدنا
يغنى نشيدنا ..اللى مغناش
كام صياد حاول ..يصطادنا
وكام صياد ياامه ..ما صادناش
لما التوهه .. بدرت غيرنا !
سكنوا ..بدننا ولا فوقناش
مرر فينا ..البعد ..مرارنا ..
خلى جدارنا ..ما بيعلاش
خلى نشاننا الصايب خاننا
خلى ناشاننا ..الخايب طاش
تحيا مصر بحس ..عيالنا
وحس شهيدنا ..اللى ما سابناش
بكره ونيله ..لسه ف ايدنا
ونار الثوره ..ما تتوصاش ....!
ةةةةةةةةة
الشاعر/ابراهيم القاضى يناير 2013