سْمعتِ شي مرة عن حدا
ماشمّ...
ريحةْ حبيبو
بِ غلوة القهوة
ريحة، وحكي، ورغوة بكي
بتفور عالركوة .
صوتو وحب الهال،
عاتم هالفنجان ...
وتنسل نسمة عالهدى
لتحرك الوجدان .
هبّة هوى
بتهفهف من بعيد
متل ال كأنا عيد
جايي من عواد القصب
ومع بحتو تنهيد
يكرج على القرميد
متل الندي
متل النبي
بليلة قدر
بيكلم الرحمن .
سْمعتِ شي مرة في حدا
وكل ما مشي...
بيطلع عَ دربو خْيال
وبيرافقو خَيّال
كيف مااتجه بيميل
تَ يشعل القنديل،
ويغيب بالوديان.
لو مر من صوبك حدا
تبقِ اسألي
مين ب الدِني...
لولا المحبة كان.
وتفور هالركوة
وتصبّْ بالفنجان.