إرهابيه
خارج حدود الكون ده كله
هعلن اني إرهابيه
هكسر حدودك لما تبعد
وامسح الدمعه ف عينيا
واجري وانده
إن كنت شاري عدي ليا
أزاي هسيبك وأنت مني
واقبل إني أكون ضحيه
ازاي عايزني
مره اقر
إن حبك تمثيليه
وان دبله كات في أيدي
منك أنت كات هديه
لما تبقى أنت ف تاريخي
حتة الضي اللي جايه
والقي كل الطير ده يعزف
لحن حبي
والقى قلبي بيسافرلك
فاملك الدنيا بايديا
ازاي هسيبك وأنت مني
وازاي اقر
إني ف قصايدك
ابقى يعني منتهيه
ايوه هعلن إني جد
إرهابيه
إرهابيه وبمشاعري
وعبقريه لما بحكي
ذكرى عنك
أبقى عارفه إن قلبك حن ليا
والقى خوفك لما تنزل
أي دمعه من عينيا
ألقى عطرك
حوِّل الأيام نديه
ازاي عايزني يعني اسلم
واطرد الأحلام ف جفني
لو في ليل هجرك يطول
ازاي بـِحبك يعني اغني
والقى فجأه الناي حضني
واقفل الأيام واقولك
جرح عادي مش هاممني
لملم الأوجاع يا قلبي
مهما طال البعد عني
وقلت انك مش فاكرني
هتلاقيني
غصب عنك
حته منك وانت مني
هدى نور