لو ذلّي فيكي
هو دا اقصى طموحك في العداله
هطعن في حكمك
وف قضائـك
وف قانونك
وف محاكمك
وأفضل وراكي لما
ينضف سيف عدالتك
او يجيني اعلان تراضي
ساعتها هادعي
للي خالق في عينيك عتمه
ينوّر بصيرتك
لا مش هعاتبك في اللي كان
جوه في محاضرك
اللي شاف بعنيه ملامحك
عارف إنك
أم ظالمه بالوراثه
من عهد آدم وامي حوا
يالا زفي البشرى هاتي
كل ماتبغي لحياتي
لبسيني الحزن طوعا
مابقاش بيفرق اي حاجه
وانت كاتمة
كل ارواح الغلابه
هدى نور