قال علي راي المثل
(اقلب القدره علي فمّها
تطلع البنت لامّها)
-- بس البت ماهيش طلعالي
طالعه لبوها ياختي يا ناري
بارده وغاويه تملّي نقاري
امتى يجيها بس عدلها
ارتاح منها ومن مشوارها
-- ياستي سيبيها
مالك بيها
-- يرضيك يعني
تضيّع يومها علي المزيكا
مره إش حموا ومره دا بيكا
وان قلتلها رتبي أوضتك
تعمل فيها بت عبيطه
دا مافيش حاجه بقت ترضيها
-- بس سيبيها
أوعى تكوني غيرانه منها
-- طب اهي عندك أولع بيها
-- بابا ياببتي ؟
-- بنتي حبيبتي
-- عايزه بدره مع المناكير
والروج أحمر بس تقيل
وكمان عايزه كام تايير
مناطيل جنز
وبدي كارين
ويكون ضيق
أوعى يابابا تجيبه طويل
-- طلبك أمر ماهوش مردود
-- إن شالله ياكلك ياختي الدود
هو أبوك دا مش مكسوف
تمشي ازاي وياه في السكه
طب لو عاكسك حد في حته
هيقولوا ماشيه مع الطرطور
-- مش هيقولوا
-- لا هيقولي
لوكان صاين بنته صحيح
كان خباها من ورا شيش
طب لو جالك ياختي عريس
والله لا يمشي مع الدراويش
ويقول توبه من دي النوبه
ابص لواحده ماتصونيش
-- بس ياست إتلمي شويه
أما صحيح إنك نكديه
-- مش عجباني التربيه ديا
قولها طيب
تعرف تطبخ طبقين باميه
ولا تطش للملوخيه
طب هيخدها ليه الموكوس
هيعلقها علي البترينه
ولا يخرج لها فيلم في سيما
دانتوا يادوبك ريش منفوش
هدي نور
الثلاثاء مارس 02, 2021 9:58 pm من طرف 
Ahlamontada 
