سهران ع القهوه ليلاتي
بتعد حجارة الشيشه
و دور دومينوا
ويمكن طاوله
وتقسم شايك مع بيسه
نام بدري يمكن
تتنيل مره تفوق
وتحس بلسعة برد الصبح
وعيالك رايحين مدارسهم
فتفكر
فطروا ولا لساهم جعانين
طلع من جيب قمصانك
مصروفهم
فتّش في شنطهم
شايلين كرارسهم
ولا بمصروفهم
اشتروا سكاكين
روح شوف اصحابهم وجيرانهم
بيلعبوا مع مين
ماتسبش عيالك في الدنيا
في عباد الله طايحين
قاعدلي ليلاتي في قهوه
ازاي هتخلف بني آدمين
قوم صلي الصبح معاهم
وعاتبهم ان عدّت جمعه
من غير ما يراجعوا
ف كتاب الدين
الدنيا اتشقلب حالها
وانت مش ناوي تفوق
أسألهم مره ان رجعوا
وف ايدهم حبة توت
شارينها صحيح بفلوسهم
ولا ...نطوا بيوت
بالزمه من نفسك
مانتاش مكسوف
هدى نور
اثر ماأرى من الاطفال في الشوارع بعد الخروج من المدرسه