قالولي ياختـــــــــي
ايه اللي عاجبك فيه
بياض.. لونه
ولا الخـَضَار في عنيه
لا شكل ليه ولاحتى مقام
لو كَلْ بليله يبات حزنان
حبيتي ايه .. ياختي قول لنا
دا نصيب وقسمه ..ومش بالايد
دا ابوي جاني كأنه في عيد
طلب ايديكِ المتولي
ودفع لي مهرك بالمللي
قلتله يابا انا مش عيزاه
اصله حلنجي ومش طيقاه
قالي يابت بلاش تكشير
الواد طيب.. قلبه كبير
عنده الشقه ايجارها قديم
مع كام قله ..وكمان زير
مارضيش ابويا يسمع لي
لخـّص كلامه وقام باعني
لقيتني ياختي في ايد اراجوز
يشرب لي شيشه وقالب بوز
اروح لابويا يرجعني
عنيه تبرق قال يعني
ليه ياختي
اتبطرتي عليه
دا واد صنايعي وواد كسيب
وجابلي لحمه ليلة العيد
قلت يا بوي الظلم دا ليه
ف كل مره بيندهني
عفريت بيتنطط في ايديه
عايزني احط احمر واخضر
ما بطلش منه حتى جنيه
يقعد في قاعده ويتسلي
لو شاف بنات بتفط عنيه
اقوله اقوم يالا اتوضا
يقول لي هو انت مهاجره
سبيني ياختي في اللي انا فيه
ادي النصيب وادي القسمه
ودا اللي لمتوني عليه
هدي نور
مساءكم ابتسامه من القلب