تملّي عايش لي ف الحواديت
ف دور رميوا
وعايزني اكون ف الهوى جوليت
ومره يعيش لي دورعنتر
وانا عبله
ويغني ف حبها اتجنـّيت
ساعات يشوف ان انا ليلي
وهو اكيد بيشبه قيس
ساعات يعيش ف دور اوزوريس
وانا طبعا هاكون له ايزيس
بقيت خايفه
لا يدعكلي في مره فانوس
اقوم القاه في يوم جني
ويقلب لي الحياه كوابيس
نساني بالجنون اهلي
وطول النهار يهري
ونازل في العيال تلطيش
يسمع لي ثومه يتكيف
يقل مزاجه يتليّف
بـِدل .. قمصان.. وبيأيف
ياسيدي ارحمنا واتغدى
واملي البطن واتمدا
وكمل وصلتك تاني
كفاية الدنيا عجناني
ونفسي في يوم...يروق بالي
فلم الدور
هقوم اعمل طبق محشي
كفايه خلاص ما تندهشي
انا شبعت من الحواديت
ما لو كان البعيد عنتر
كنت هاقوم ..وهتغندر
واحط البودره واتمنظر
وهاعملوا ع العشا
بان كيك
هدى نور
مساءكم ابتسام