شو عملتوا فينا
كيف غيرتونا
كيف خليتونا نتمسح
كان احساسنا بالظلم يصحي العالم كلو من ردة فعلنا
صرنا
نشوف الدم ونكمل
نعيش الهم ونتبسم
نشوف الدمار والخراب
موت الأطفال والشباب
وما نتألم
غرق الهروب وتعب اللجوء ونزف الشتات
ما يأثر
شو عملتوا فينا
حتى اتعودنا على اننا الحلقة الأضعف
سرقوا خيراتنا
واستباحوا ثوراتنا
وتملكوا ساحاتنا
وأجهضوا النساء وكشفوا العورات
وصارت الفتنة اجتهاد
كتير حكينا عن خطط التسليح ومحاربة الإرهاب
نبذ العنف والعصابات
وعن مقاومة التطرف الديني والعنصرية
ونسينا انو الغرب بمساعدة الشاباك
إنهم همه الي زرعوا فينا القاعدة وطالبان وداعش
والسلاح والمخدرات
واخترقوا سلسبيل ابونا بالعملاء
دخلوا السعودية وسوريا والعراق
مجازر وقنابل واغتيالات
صرنا من اصحاب مقولة امشي الحيط الحيط وقول يا رب الستر
هدوا الحيط فعليًا وما هدوه معنويا
صرنا نحكي بالسلام مع خفافيش الظلام
قسموا بلاد الشام والحدود بينا ألغام
وخطة المئة عام
أنجزوها بأيام
يمكن القضية مش من أيام سايكس بيكو ولا هنري كامبل بنرمان
يمكن نكبتنا ونكستنا كانت لما فقدنا الانتماء للأرض والإنسان
وتناحرنا على المناصب وعلى الشهرة والمال
وقاد الوطن أقنعة الاستعمار
ويمكن الطمع موجود من زمان
بس ليش دول الغرب عاشوا النهضة والأمن والاستقرار
وليش احنا غرقنا بالدم والنهب والانقسام
القضية مش فلسطين
القضية وطن عربي وشرق اوسط كبير
القضية مين يكون الملك ومين يكون العبيد
مين ينهي دين على حساب دين
مين يزرع فينا التنبله والتخدير
جوعونا عشان يحكمونا
وظلمونا عشان يرعبونا
وأصبحت حكمة القرود الثلاث لنا شعار
عادي يغرق السوري بالبحر ويموت أطفال اليمن
ويدنس الاقصى وتنهار منظومة كلنا بالهم شرق
البطالة والفقر والجهل والإدمان
جرائم الاغتصاب وتغريب الشباب وتشتيت الأسرة والأنساب
صارت المواجهة انسحاب
ومفهوم الراحة عذاب
والكل نفسو يطلع من هالسجن ولو ضل يستنى سنة على الباب
فرحنا انو اولادنا صاروا بامريكا وكندا والبرازيل والدنمارك
تشدقنا بالماديات وتشرذمنا بالعلاقات
وصرنا نتبع منظومة جحا الي استنا لحتى وصل الحرق ....