امى ماليش غيرك
~~~~~~~~~~~
بحبك ايوه ياامى
وطول عمرك شايله همى
ولو عينى بتبكى يوم
تطبطب ايدك وتضمى
وياما اشتاقت لكلامك
ولايوم كان من ايامك
اعيشه حتى ولو لحظه
ياخدنى الشوق لاحضانك
كلام نفسى اقولهولك
ياغاليه عليه وعيونك
بضحكه وحب تحضنى
وحب ف قلبى اشيلهولك
ده قلبك كله حنيه
ياعمرى ياغاليه عليه
ياكل الكون وانواره
ياشمس دافيه وعفيه
ياقمر فى السما عالى
بيضوى وينورلى حالى
ده نجوم السما غارت منك
من ضى عنيكى اللى بتلالى
بحبك كلمه دى قليله
من بعدك مالى حيله
وتوهت في دنيتى بعدك
ياغاليه انتى واصيله
ده انتى حوريه م الجنه
حياتى معاكى ليها معنى
من بعد ما روحتى منى
انا ليه مين غيرك امى
~~~~~~~~~~~
راوية حسن