حلم....
دق الفرح عالباب..
وأنا شفت حالي....
مدري ريح هزت ورق.
مدري نجم عالي
خفق ها القلب وصرت..
احكي مع حالي..
ليكون هاد حلم
وانا من الحلم مالي
صرت ارسم صور شفت خيال
يمكن قمر ويمكن من الفزع كان خيالي
تصرصروا النسمات والهمسات
وبعدني ناطره خلف الباب قلت..
تعب ها القلب ياحلم
.. وين بعدك غافي...
والحكي تخرسن على شفافي
ياخوف يكون سرقنا العمر
والهوى تعمد شباكي
احكي عن الغربه
صار الوجع كربه
احكي عن الحب
يمكن صار لعبه
و بعد ها الصبيه ناطره
عم تغزل جدايل من عطر هالنسمات
و بعد ما صار ها القمر عالي
قالت
ياخساره ضاع الحلم
ومعو ضاع حالي
بقلمي أميره قطلبي