قلبى ياما دورت عليه
وقلت انا لمين اهديه
مسكته بايدى اديتهولك
وياريتك حافظت عليه
كان نفسى انت تراعيه
وبحبك وحنانك تداديه
ومن كل الناس تحميه
اتاريك انت اللى جرحته
وبايدك انت اللى راميه
يخصارة احساسى بيك
وياما كنت ابكى عليك
كل ده مااثرش فيك
ضيعت العمر عليك
احايل وادادى فيك
واستنى لمحه من عنيك
وقلبى ياما حس بيك
خلاص كل ده راح
والقلب مليان جراح
احاسبك على الدموع
ولا على الجراح
ياقلبى يامجروح
لمين انت ح تروح
ماخلاص حبيب الروح
سابك وفين مايروح
اياك تروح معاه
مابقاش يهمه حالك
لانه عنك تاه
ولاتشغل تانى بالك
هو اللى خسران
ده القلب اللى خانك
وخلصت خلاص ياقلبى
مابقاش فى شئ متخبى
وليه تانى ح خبى
اللحق الم الباقى
من قلبى ومن مشاعرى
وعمرى يوم ما ح سلم
لحد تانى قلبى
####
راوية حسن