صعب اصدق انى فى بعدك
ازاى اعيش الايام بعدك
ده انت لافى قبلك ولابعدك
انا اتعودت على رؤياك
ما أعرفش ازاى انا راح اسيبك
ولاعمرى فكرت انا اسيبك
لو فى اخر الدنيا حجيلك
واتحايل عليك واترجاك
اياك عنى يوم راح تبعد
ولا فى حبى تقدر تعند
فى بعدك انا عمرى ماحسعد
خليك جنبى انا قلبى فداك
مهما تبعد عنى اروحلك
تبعد تعند راح اقربلك
ان اكتر م الروح واقربلك
واحلف انى يوم ماانساك
مهما تكون فى كلامك قاسى
قابله على عينى وعلى راسى
كل مراكبك فى قلبى انا راسى
احلف انى على طول ريداك
ليه خليت القلب ف حيره
قولى ايه اخرتها الغيره
بتفرق واخرتها خطيرة
على حبنا انا قلبى معاك
فى الاخر انا مش حتنازل
متمسكه بيك ولو حبك اجل
بكره تعود وتقول متنازل
عن عندك وتاخدنى معاك
####
راوية حسن