نبطي
يا مهرةٍ والعز ساري بالعروق
و يا ارض خيرٍ لوّحت بغلالها
ويا مزن صافي والمعاني لها توق
ضوّع مسكها وين حَطْ نعالها
راجي قربها كل قُرمٍ وفاروق
وما طاوع رسنها سوى خيّالها
ليه الحنايا نوّخت نوخة النوق
صدتْ على غيرو النظرْ بقفالها
من تحت شعرٍ شمسٍ تهل بشروق
يُحضن عنقها بالغلا . سلسالها
سيفٍ كحلها والرمش لمعة بروق
تذبح وتشفي ياجميل فْعالها
فيها الملاحة لحن عاشق و معشوق
وخذٍ تِوّرد خَالْ برَسم خالها
العين عين المها فايض لها شوق
ساحة بصر مو كل نظرْ يسمالها
عاد الدمع !! هذا طبع مُرهف الموق
تِصفح وتمشي ويا خفيف حمالها
يسمى شموخٍ والحشامة لها طوق
وتعرف طبعها من جرس خلخالها
مها