شايف الكلمة اللي وقعت من شفافي؟! # عبير غسان ابراهيم

Admin عدد المساهمات : 2717 تاريخ التسجيل : 26/02/2009

شايف الكلمة اللي وقعت من شفافي؟!
وحضرتك .. بِ وقتها جنّيتْ
وكرعتْ سابع كاس
وضميت الكفر اللي نازل على كتافي
وضفرت حكي هالناس
رْسَمْتِلي جناحين
ولمّيت دمع العين
شربتو على الصافي ..

شايف غرامَك شو عمل فيي!
يمكن أنا الْ جنّيت
ومن وقتها ومتل الصلا
عم طير وحدودي الفلا
وعم رتّلك بالحرف يا قلبك الدافي:

"لا تخافي
من طين هالأجسام
والروح سما الأحلام
بتحلم مع الغافي
لكنا ما بتنام ..."

#عبير_غسان_ابراهيم

» بيني وبينك في مدى # عبير غسان ابراهيم
» الحب الغافي بليل الناسْ - عبير غسان ابراهيم
» كلمة على شفافي - لبوة يوسف مصطفى