المشهد .... هى قاعدة علي البحر فى ايديها عصايه بيها بترسم احلام راحت مع عمر ومر سرحانه في سنين عدت وخطت أيام العمر والمخرج وبصوت عالي .. اكشن وهنعمل فلاش باك لسنين العمر .. بنوته بتجرى ومعاها احلام العمر سبحان الخالق مرسومه بالخط شعرها بيطير وكأنه دوامه في وسط البحر فرده دراعتها لدنيتها بكره بتاعها ملكاه وبعقد كانت متشاله ودلالها ملوش حد في غمضه عين بقت شياله لهموم الدنيا بتشيل وتحط لفت ضفايرها... خبتهم احسن يتشافوا ونعيد ونلت وفي كل يوم علامات تتحط وش الفرحه بقي ساكت خايف ليقولوا وقعت مش قد الحمل ويعدى العمر ضفاير شابت من غير ماتفك وملامح شالت من الحزن جبال لساها قاعدة هناك عالشط والمخرج يصرخ ويقول استوب دى حكايه بنت ضاع منها الحب وبداله شالت جواها الهم فركش يالا وبلاها الدنيا يمكن في الاخره تلاقي الحلم .. بقلمي.. أمينه عبده