بقلم / ياسمين عبدالرؤؤف محمد
(روح لها)
خليك هناك عندها
بتحبها؟
نفسك تنول ودها!
ما انا كنت يوم زيها
يلا خلاص روح لها
مابقتش اصلا تفرق كتير
ما هو طولها زي عرضها
مشتاق يضمك حضنها؟
محتاج منها عطفها
ما انا ياما اديتك حاجات كتير
وده ذنبي كان مش ذنبها
كنت فاكرة لما بسيب
هبقي اغلي منها
كنت فاكرة الحب بينا
ما يكسروش قربها
لكن انت غشك شكلها
صدقت كل كذبها
بعت الدهب بالتراب
عشان ساعات جنبها
ارجع لها
خليك هناك عندها
ويوم ما يموت حبها
بلاش تجيني تعتذر
وتقول غلطة غلطتها
اصل يومها صعب اسامح
عشان اللي اتكسر قلبي
مش قلبك انت ولا قلبها.
.حر