العين عينيك
الوقت هذا بضبط نفس طالع هابط الصمت سيد المكان البيت لونها اكحل كان شوي ضوء ساطع في الوسط تاعبة نحب نرقد و نهرب مخ ضايع يخمم في حكايات ما فماش .شاردة في السقف و هايمة في أيامات ممكن فما و ممكن ما فما ش قداش من حكاية تولدت و ماتت في الليل قداش من حكاية غابت مع طلوع الشمس و عاودت تخرمت في ضلام الليل .فيبالك جيت على بالي و انت موجود في خيالي لين لقيتك في منامي و انت مزلت عايش و متعنكش في وسط جبل اوهامي ضربت روحي بكف و قلت قوم و فيم و ارجع لواقعك و يزيك . حطيت كيت و سرحت لقيت الغنايا تحكي عليك ياخي ماكش مسَلِم؟ ...
بقلم هاجر وشتاتي