نص الليل
----
في نص الليل
تشد ضلوعى افكاري
فاقوم تعبان
تحركني اقدامي بالعافيه
امد خيوط لكون واسع
اشوف نجمه في عين السما طله
بتستوحي بصمت يمام
عِطِش للحب
طريق مهجور
ودار في الحي مستني
طير علي سطحه
رامي له الحَب
صبايا كتير
رنة ضحكه بعيونها
لما وصف جدايلها فتى عاشق
في نص الليل
تحس الدنيا بتهرول
كلام غامض بدون تفصيل
تجيله شمال يميل ف يمين
كأنه واقف حرس مرمى
لفصل ربيع
بيسمع سر زقزقته
ورق اخضر
بفعل الحلم يتحوّل
جمل تاهت من التعبير
باب افكار
انا بطويه
بيفتح لي متين منفذ
سفر تمويه
لجرح ف زمن اعمى
ولا مره اقدرت اشفيه
سيناريو تاه الحوارمنه
فشب جناحي من تحته
لاي مصير
ف نص الليل
بحس بروده في ضلوعي
لكن ثابت ف وسط الريح
اطل ف حاجه كات مني
بتتغيّر بدون تغيـــــــر
واصر بان مش فارقه
برغم الجرح كان فيا
اقول السهو ف التعبير
بحس باني للصدى حارس
وان حياتي محتله
يموت الجزع لو غنى
في بيت الشعر
او علا في اوزانه
في غيمه .......
..الدنيا تزرعنا
تخون لو حتى بنجاهد
ف نص الليل
حاله واحده تعرفني
تشد ف حبل افكاري
بتسالني عن المعنى
في شكل فصول بتتخابس
وتتوسل بلا جدوى
تشوف الشمس في المحنه
وانا بقول
حابس
حابس
هدى نور
من ديوان عقرب ثواني
اليوم في 5:23 pm من طرف omnia10
Ahlamontada 
موضوع: نص الليل - هدى نور